Haqqımızda

Beynəlxalq yanaşma, yerli ekspertiza

Alliance Real Estate & Investment beynəlxalq biznes standartlarını Azərbaycanın yerli bazarını dərindən bilən peşəkar komandanın təcrübəsi ilə birləşdirir.

Biz investorlara layihənin ilkin təhlilindən başlayaraq hüquqi və maliyyə araşdırmaları (Due Diligence), investisiya strukturunun hazırlanması, danışıqların aparılması, müqavilələrin hazırlanması və bağlanması, maliyyə modelləşdirilməsi, dövlət qurumları ilə koordinasiya və aktivlərin sonrakı idarə olunmasına qədər tam xidmət göstəririk.

Hər bir layihəyə fərdi yanaşaraq investorun məqsədlərinə, risk profilinə və uzunmüddətli strategiyasına uyğun optimal həllər təqdim edirik.

İZ Şirkətlər Qrupunun gücü

Alliance Real Estate & Investment LLC, İZ Şirkətlər Qrupunun (www.izholding.az) tərkibinə daxildir.

İZ Şirkətlər Qrupu investisiya, hüquq, maliyyə, vergi, gömrük, turizm, insan kapitalı, korporativ idarəetmə, beynəlxalq ticarət və istehsalat sahələrində fəaliyyət göstərən ixtisaslaşmış şirkətləri özündə birləşdirən çoxşaxəli biznes ekosistemidir.

Qrupun şirkətləri beynəlxalq təşkilatlara, Azərbaycanda akkreditə olunmuş xarici diplomatik nümayəndəliklərə, xüsusilə Körfəz ölkələrinin səfirliklərinə, transmilli korporasiyalara, dövlət qurumlarına və fərdi investorlara kompleks peşəkar xidmətlər göstərir.

Bu güclü ekosistem sayəsində müştərilərimiz daşınmaz əmlak, hüquq, maliyyə, miqrasiya, vergi, gömrük, korporativ xidmətlər və biznes konsaltinqi daxil olmaqla bütün zəruri xidmətləri vahid mərkəzdən əldə edirlər.

Qrupun uzun illər ərzində formalaşdırdığı peşəkar təcrübə, güclü tərəfdaşlıq şəbəkəsi və qazandığı işgüzar nüfuz təqdim etdiyimiz xidmətlərin keyfiyyətinin və etibarlılığının əsas təminatıdır.

Cəmşid Sərdarlı CEO / İZ Şirkətlər Qrupu

Hörmətli tərəfdaşlar və investorlar,

İZ Şirkətlər Qrupu olaraq əsas məqsədimiz Azərbaycanda və beynəlxalq bazarlarda etibarlı, şəffaf və uzunmüddətli dəyər yaradan biznes platformaları formalaşdırmaqdır.

Müasir qlobal iqtisadi mühitdə uğurlu investisiya yalnız maliyyə resurslarından deyil, düzgün strategiya, peşəkar idarəetmə və etibarlı tərəfdaşlıqdan asılıdır.

Alliance Real Estate & Investment bu yanaşmanın nəticəsi olaraq yaradılmış, daşınmaz əmlak, biznes aktivləri və strateji investisiya layihələri sahəsində yerli və beynəlxalq investorlar üçün kompleks həllər təqdim edən platformadır.

Biz inanırıq ki, hər bir investisiya imkanının arxasında yalnız maliyyə göstəriciləri deyil, eyni zamanda güclü komanda, dərin ekspertiza və uzunmüddətli vizyon dayanır.

İZ Şirkətlər Qrupunun hüquq, maliyyə, vergi, gömrük, insan kapitalı, biznes konsaltinqi və digər sahələrdə formalaşdırdığı peşəkar ekosistem bizə investorlarımıza 360° inteqrasiya olunmuş xidmət modeli təqdim etməyə imkan verir.

Biz yerli və beynəlxalq tərəfdaşlarımızla birlikdə yeni imkanlar yaratmağa, kapitalı düzgün istiqamətləndirməyə və davamlı dəyər formalaşdırmağa davam edəcəyik.

Hörmətlə,

Fəaliyyət istiqamətlərimiz

Alliance Real Estate & Investment investisiya, daşınmaz əmlak və biznes aktivlərinin inkişafı sahəsində fəaliyyət göstərərək həm fərdi investorlar, həm də institusional tərəfdaşlarla birgə yüksək potensiala malik layihələr həyata keçirir.

Əsas fəaliyyət istiqamətlərimiz:

Öz investisiya portfelimizin formalaşdırılması və idarə olunması;
Yüksək potensiala malik daşınmaz əmlak və biznes layihələrinə birbaşa investisiya yatırılması;
Yerli və xarici investorlarla birgə investisiya layihələrinin hazırlanması və həyata keçirilməsi (Joint Venture);
Strateji tərəfdaşlarla birgə kommersiya, turizm, sənaye, logistika və aqrar layihələrin inkişaf etdirilməsi;
Premium yaşayış və kommersiya daşınmaz əmlakının alqı-satqısı və icarəsi;
Hazır bizneslərin alqı-satqısı və inkişaf strategiyasının hazırlanması;
Otel, sənaye, logistika və turizm layihələrinin investisiya platformalarına hazırlanması və idarə olunması;
Aqrar və sənaye təyinatlı torpaq aktivlərinin qiymətləndirilməsi, inkişafı və idarə olunması;
İnvestisiya layihələrinin hazırlanması, maliyyə modelləşdirilməsi və strukturlaşdırılması;
Aktivlərin bazar qiymətləndirilməsi (Valuation) və investisiya təhlili;
Yerli və beynəlxalq investorların Azərbaycandakı layihələrə cəlb olunması;
Aktivlərin peşəkar idarə olunması (Asset Management);
İnvestisiya və biznes konsaltinqi.

Niyə Alliance Real Estate & Investment?

Bizim məqsədimiz yalnız daşınmaz əmlak satmaq deyil, investorun Azərbaycandakı bütün investisiya prosesini təhlükəsiz, rahat və peşəkar şəkildə təşkil etməkdir.

Bu məqsədlə müştərilərimizə aşağıdakı kompleks xidmətləri təqdim edirik:

İnvestisiya layihələrinin hüquqi, maliyyə və kommersiya müşayiəti;
Daşınmaz əmlak və biznes aktivlərinin alqı-satqısı və peşəkar idarə olunması;
Müxtəlif ödəniş modelləri və beynəlxalq bank köçürmələri vasitəsilə çevik ödəniş imkanları;
Xarici investorlar və onların ailə üzvləri üçün Azərbaycan Respublikasında müvəqqəti və daimi yaşamaq icazələrinin alınması prosesinin tam hüquqi müşayiəti;
Şirkətlərin qeydiyyatı, bank hesablarının açılması və biznes fəaliyyətinin təşkilinə dəstək;
Hüquq, vergi, gömrük, mühasibatlıq və korporativ idarəetmə xidmətləri;
Aktivlərin hüquqi və maliyyə ekspertizası (Due Diligence), bazar qiymətləndirilməsi (Valuation) və investisiya risklərinin təhlili;
Dövlət qurumları və biznes tərəfdaşları ilə danışıqlarda investorun maraqlarının peşəkar şəkildə təmsil olunması;
İnvestisiyadan sonrakı aktivlərin idarə olunması və kommersiya istismarı.

Beləliklə, investor yalnız daşınmaz əmlak əldə etmir. O, Azərbaycanda biznes qurmaq, investisiya yatırmaq, yaşayış icazəsi almaq və aktivlərini uzunmüddətli perspektivdə idarə etmək üçün bütün xidmətləri vahid mərkəzdən (One-Stop Investment Solution) əldə edir.

Dəyər yaratmaq prinsiplərimiz

Bizim üçün uğurlu əməkdaşlıq yalnız bağlanmış müqavilələrlə deyil, tərəfdaşlarımızın əldə etdiyi real nəticələr və uzunmüddətli dəyər ilə ölçülür.

Alliance Real Estate & Investment yalnız investisiya imkanlarını təqdim edən tərəf deyil, eyni zamanda yüksək potensiala malik layihələrdə öz resursları ilə iştirak edən, yerli və xarici investorlarla birlikdə strateji investisiyalar həyata keçirən və ortaq dəyər yaradan tərəfdaşdır.

Əsas məqsədimiz investorlarımızın kapitalını düzgün seçilmiş, dayanıqlı və perspektivli layihələrə yönəltmək, hüquqi və maliyyə risklərini minimuma endirmək, investisiyaların effektiv idarə olunmasını təmin etmək və uzunmüddətli gəlir potensialı yaratmaqdır.

Fəaliyyətimizin əsas prinsipləri peşəkarlıq, şəffaflıq, məxfilik, operativlik və qarşılıqlı etimad üzərində qurulur.

Hər bir investisiya imkanını hüquqi, maliyyə, kommersiya və bazar perspektivləri baxımından hərtərəfli təhlil edir, yalnız real iqtisadi potensiala və davamlı inkişaf imkanlarına malik layihələri investorlarımıza və tərəfdaşlarımıza təqdim edirik.

Missiyamız

Missiyamız Azərbaycanın investisiya imkanlarını beynəlxalq investorlar üçün daha əlçatan etmək, yerli layihələri qlobal kapitalla birləşdirmək və uzunmüddətli strateji tərəfdaşlıqlar formalaşdırmaqdır.

Biz inanırıq ki, uğurlu investisiya qərarı etibarlı məlumat, peşəkar idarəetmə, hüquqi təhlükəsizlik və güclü tərəfdaşlıq üzərində qurulur.

Alliance Real Estate & Investment məhz bu prinsiplərlə fəaliyyət göstərərək investorlar üçün etibarlı tərəfdaş olmağı hədəfləyir.

Alliance Real Estate & Investment – Əsas göstəricilər

8+ Fəaliyyət istiqaməti

135+ İcra edilmiş layihə və konsaltinq həlli

16+ Peşəkar ekspert

11+ Beynəlxalq tərəfdaşlıq ölkəsi

360° Tam inteqrasiya olunmuş investisiya xidməti

Beynəlxalq yanaşma, yerli ekspertiza

İZ Şirkətlər Qrupunun gücü

CEO-nun müraciəti

Komandamız

Elnur Azadov

Vüqar Xəlilov

Elçin Kərimov

Fəaliyyət istiqamətlərimiz

Niyə Alliance Real Estate & Investment?

Dəyər yaratmaq prinsiplərimiz

Missiyamız

Alliance Real Estate & Investment – Əsas göstəricilər

Azərbaycanın Artan Daşınmaz Əmlak Bazarına İnvestisiya Etməyə Hazırsınız?